محکمہ موسمیات نے روزنامہ جنگ مورخہ14 ستمبر،2019 میں شائع ہونے والی خبر کی سختی سےتردید کر دی ہے۔پاکستان کے کسی بھی علاقے میں کسی طاقتور ترین طوفان کا کوئی خطرہ نہیں ہے ۔
واضح رہے کہ روزنامہ جنگ نے مورخہ14 ستمبر،2019 کواخبار میں خبر شایؑع کی تھی
محکمہ موسمیات کے ترجمان ڈاکٹر خالد ملک نے وضاحت کرتے ہوئے کہا کہ پاکستان کے 80فیصد علاقوں میں مون سون پہلے ہی ختم ہو چکا ہے اور اس دوران پاکستان کے گردونواح میں موسمی حالات معمول کے مطابق ہیں۔ بارشیں کم ہونے کی وجہ سے ان دنوں گرمی اور حبس معمول سے زیادہ ہے۔ انہوں نے مزید کہا کہ لوگ اس قسم کی افواہوں پر کان نہ دھریں۔ صرف محکمہ موسمیات کی جاری کردہ خبروں پر انحصار کریں۔
